Маргааш буюу 10-р сарын 11-нд Олон Улсын Охидын Өдрийг дэлхий даяар 4 дэх жилдээ тэмдэглэх гэж байна. Дэлхийн Эмэгтэй Скаутын Холбооноос санаачилсан жилд нэг өдрийг охидын асуудалд анхаарлаа хандуулсан тэмдэглэлт өдөр болгох санааг Нэгдсэн Үндэсний Байгууллагын Ерөнхий Ассамблей 2011 оны 12-р сарын 20-нд албан ёсоор “Олон Улсын Охидын Өдөр”-ийг жил бүрийн 10-р сарын 11-нд тэмдэглэж байхыг тунхагласан байна.
Энх тайвны нобелын шагналт Лемах Бовий (Либер) хэлэхдээ..”Бидэнд охидын асуудлуудад анхаарлаа хандуулдаг өдөр зайлшгүй байх хэрэгтэй, учир нь охид бол дэлхийн ирээдүй.” гэж байжээ. Энэ ч утгаараа охид бол бие физиологийн хөгжил, сэтгэхүй, сонирхол, хоббигоороо хөвгүүдээс ялгаатай гэдгийг онцолсон байна.
Энэ өдөр дэлхий нийтээрээ охидын эрхийг хамгаалж, тэдний төлөө дуу хоолойг сонсох, охид өөрсдийгөө илэрхийлэх өргөх өдөр юм. Манай улсад Монголын охид, Эмэгтэй Скаутын Холбоо энэ өдрийг анх тэмдэглэж эхэлсэн үеэс хойш үйл ажиллагаа явуулж байгаа бөгөөд энэ өдрийн гол зорилгыг охид залуу эмэгтэйчүүдэд тулгарч байгаа хамгийн тулгамдсан асуудлуудыг шийдвэрлэх арга замыг эрэлхийлж, охид болон залуу эмэгтэйчүүдүүд хэрхэн өөрийн нийгэмдээ эерэг өөрчлөлтийг авчрах зэрэг эерэг ач холбогдолтой гэж дүгнэжээ.
