Монголын Залуучуудын Холбооноос жил бүр уламжлал болгон зохион байгуулдаг “Залуу Хүн” цуврал лекцийн 6 дахь дугаар энэ баасан гарагт буюу 2016. 11. 11-нд болох гэж байна. Энэ удаагийн зочоор “Глобал удирдагч” дээд сургуулийн удирдах зөвлөлийн дарга, Харвардын их сургуулийн Төрийн удирдлагын магистр Б. Отгонбат уригджээ. Тэрээр “ Жинхэнэ манлайлал” гэсэн сэдвээр лекц уншиж, гадаадад тэтгэлэгтэй суралцах боломжуудын талаархи залуусын сонирхсон бүх асуултанд хариулах аж.
Б. Отгонбат 2005 онд “Глобал удирдагч сан”-г үүсгэн байгуулж, сангийнхаа хүрээнд 3000 орчим залуусыг АНУ-д тэтгэлэгтэй суралцуулан тав орчим сая ам.долларын тэтгэлгийн сан бүрдүүлж Монголын ирээдүйд хөрөнгө оруулсан яваа залуу юм. Түүний лекц МЗХ-ны Залуус танхимд үнэ төлбөргүй зохион байгуулагдах бөгөөд сонирхсон хүн бүрт нээлттэй гэдгийг дуулгалаа.
Өнгөрсөн долоо хоногийн зочноор бүжигчин Саруултөгс оролцож, залуустай чөлөөт ярилцлага өрнүүлсэн юм.
