УИХ-ын гишүүн Д.Мурат энэ сарын 2-8-ны өдөр Баян-Өлгий аймгийн удирдлагууд болон иргэдтэй уулзалт зохион байгуулж, цаашид орон нутгийн өмнө тулгамдаж буй асуудлуудыг шийдвэрлэх арга замын талаар санал солилцлоо.
Энэ үеэр тус аймгийн Дэлүүн сумын 5, 6 дугаар багийг үүрэн холбооны сүлжээнд холбох ажил эдийн засгийн хямралаас шалтгаалан санхүүжилтгүй болж тодорхойгүй хугацаагаар хойшлосон байсныг УИХ-ын гишүүн Д.Муратын санаачлагаар Жи-Мобайл компанитай гэрээ байгуулж, хувиасаа санхүүжилтийг шийдэж өгөв.
Уулзалтын үеэр иргэд “Дээрх ажлыг өмнө нь сонгогдож байсан үе үеийн гишүүд амлалтандаа оруулж шийдвэрлэж чадахгүй байсныг УИХ-ын гишүүн Д.Мурат богино хугацаанд бодит ажил болгосон нь ард иргэдийнхээ итгэл, эрэлт хэрэгцээ, хүсэлт, хүлээлтийг бодит ажил болгож байгаагийн нэг илрэл юм” хэмээлээ.
