Энэ сарын 12-13-нд шилжих шөнөөс эхлэн орсон цасны улмаас нийслэлийн гудамж замуудад халтиргаа гулгаа үүсч, зарим замын зорчих хэсэгт хүндрэл учраад байсан. Үүнтэй холбоотойгоор Зам тээврийн хөгжлийн сайд тушаал гаргаж, Улаанбаатар хотоос гарах бүх чиглэлийн хот хоорондын болон олон улсын автозамын хөдөлгөөнийг өчигдөр өдрийн 13 цагаас эхлэн хязгаарласан. Замын хөдөлгөөнийг өнөөдөр 10.00 цагаас эхлэн нээж, хэвийн үргэлжлүүлэх юм.
Иргэд, жолооч нарыг холын замд гарахдаа техникийн бүрэн, бүтэн байдлыг хангаж, дулаан хувцас, шатахууны нөөцтэй явах, автозам, даваанд хальтиргаа гулгаа ихтэй байгаа учраас болзошгүй эрсдлээс сэргийлж, хурдаа тохируулж хөдөлгөөнд оролцоыг анхааруулж байна.
