Эрэлтэт мэдээ: “САЙН ААВ” уран сайхны киноны хамт олон оролцлоо

2017 оны 1 дүгээр сарын эхэн үеэр нэгэн гэгээлэг кино нээлтээ хийхээр төлөвлөөд байгаа тухай бид өмнө нь мэдээллэж байсан. Уг кино бол “Good Dad” буюу “Сайн аав” уран сайхны кино юм. Энэхүү киног “Улаанбаатар такси” компаний жолооч Т. Даваасүрэн агсны гэгээн дурсгалд зориулж бодит амьдралаас нь сэдэвлэн бүтээсэн байна. Энэхүү киноны гол дүрд жүжигчин найруулагч МУСТА. С. Баттулга, “Макс” продакшны жүжигчин МУСТА Ш. Жавхлан нар бүтээжээ. Талийгаач Т. Даваасүрэн “Хэн нь хэн бэ?” хөрөг нэвтрүүлгээр өөрийн том охиноо жүжигчин болгох хүсэл мөрөөдлөө илэрхийлж байсан билээ. Тэгвэл энэхүү кинонд том охин Д. Энхжин нь тоглож байгаа аж. Мөн эхнэр Д. Амаржаргал нь бас нэгээхэн хэсэгт тоглосон тухайгаа “Chanel-11” тв-ын МПОП нэвтрүүлгийн ярилцлагадаа дурдаж байсан.