Цаг хэд болж байгааг хүүхэддээ хэрхэн заах вэ

Эхлээд цагны тооны байрлалтай танилцуулж нүдийг нь дасгана. Цаас, цаасан таваг дээр цаг зураад тоог нь нар зөв тойруулан тоолж сурга.

Цаг, минут, секундын ялгааг ойлгуулахыг хичээ. Насанд нь тохирсон жишээ авах хэрэгтэй. Жишээ нь “15 минут ваннтай усанд тоглоно шүү” гэж хэлээд утас, цаг гэх мэт хаа нэгтээ сэрүүлэг тавь. Ээж нь хумсыг нь 2 минутын дотор авна гэж хэлээд тоолох жишээтэй. Арай томхон хүүхдэд долоо хоногийн дараа төрсөн өдөр чинь болно гээд хамтдаа хуанли дээр тэмдэглэн өдрүүдийг тоолж болно. Ингэж бага багаар ойлгуулснаар нэг л мэдэхэд хүүхэд цаг хугацааны талаар сайн ойлголттой болсон байна.

Хэрэглэхээ больсон цаган дээр тайлбарлаж, асуулт асууж, хариулах.

Нэгэнт цагийг бүрэн ойлгосны дараа төрөл бүрийн цагны ялгааг тайлбарлаж танилцуулаарай.