Төрийн үйлчилгээний нэгдсэн төвийн Хан-Уул дүүрэг хариуцсан нийгмийн халамжийн мэргэжилтнүүд 1400 иргэнд зөвлөгөө, үйлчилгээ үзүүлээд байна

НИТХ-ын Тэргүүлэгчдийн 2015 оны “Төрийн үйлчилгээний нэгдсэн төв байгуулах тухай” 185 дугаар тогтоолын дагуу Нийслэлийн Нийгмийн халамж, үйлчилгээний газар нь Нийслэлийн үйлчилгээний нэгдсэн төвд 2016 оны 01 дүгээр сарын 04-ний өдрөөс эхлэн нийгмийн халамжийн үйлчилгээг Нийгмийн халамжийн хууль, тогтоомжийн хүрээнд түргэн шуурхай үзүүлж байна. Тус төвөөс энэ сарын 10-ны байдлаар 5934 иргэнд нийгмийн халамжийн үйлчилгээ, 2478 иргэнд нийгмийн халамжийн зөвлөгөөг өгч, нийт 8412 иргэнд үйлчилгээ үзүүлжээ. Үүнээс Хан-Уул дүүрэг хариуцсан мэргэжилтнүүд 727 иргэнд нийгмийн халамжийн үйлчилгээ, 673 иргэнд холбогдох зөвлөгөө өгч, нийт 1400 иргэнд үйлчилгээ үзүүлээд байна. Нийслэлийн үйлчилгээний нэгдсэн төвөөр үйлчлүүлсэн иргэдийн 10 гаруй хувь нийгмийн халамжийн үйлчилгээ авсан иргэд эзэлж байна.Өнөөдрийн байдлаар өдөрт дунджаар 180 орчим иргэнд нийгмийн халамжийн үйлчилгээ үзүүлж байна.

ХАН-УУЛ ДҮҮРГИЙН НИЙГМИЙН ХАЛАМЖ ҮЙЛЧИЛГЭЭНИЙ ХЭЛТЭС