“АТЛЕТИКО”, “БАРСЕЛОНА”-г хожиж аваргуудын лигийн хагас шигшээд үлдлээ

Европын Аваргуудын лигийн шөвгийн наймын хариу тоглолтод Мадридын “Атлетико” Каталаны “Барселона”-г хожиж хагас шигшээд үлдлээ.

Тоглолт 2:0-оор дууссан. Залуу хагас хамгаалагч Антуан Гризманн 36, 88 минутад хоёр гоол оруулж багаа ялалтад хөтөллөө.Эхний тоглолтонд “Барселона” өөрийн талбайдаа 2:1-ээр хожсон ч “Атлетико”-гийн талбайд гоол хийж чадсангүй ийн хожигдлоо. “Барса”-гийн супер гурвал тэр дундаа Мессигийн гоол хийгээгүй тоглолт улам л олширсоор байна

Хагас шигшээгийн сугалаа дөрөвдүгээр сарын 15-нд явагдана.