МУГЖ С.Жавхлан, Т.Баясгалан нарт сурагчид захидал илгээжээ

Хаваржилт хүндэрсэн аймгуудын малчдад туслах зорилготой “Илгээлтийн эзэд” аяныг МУГЖ, дуучин С.Жавхлан, Т.Баясгалан нар санаачлан хэрэгжүүлж байгаа билээ. Дуучид гурав, дөрөвдүгээр сард Улаанбаатар хот болон хөдөө орон нутгуудад тоглолтоо хийж, тоглолтынхоо орлогоос эд материал хэлбэрээр малчдад хүргүүлж байгаа “Илгээлтийн эзэд”-ийн сайн үйлсийн аяныг дэмжсэн ажиллагаа үргэлжилсээр байна. Баянгол дүүргийн хятад хэлний гүнзгийрүүлсэн “Сэн-Лизэ” сургуулийн 5А ангийн хамт олон “Илгээлтийн эзэд” аяныг дэмжин “Малчин хүүхэд” сан байгуулах хүсэлтээ илэрхийлээд эхний хандив болгож 110.000 төгрөгийг цуглуулсанаа хүлээлгэн өгчээ.