Энэ өдрүүдэд баруун бүсийн залуучуудын чуулга уулзалт Увс аймагт болж байна. Чуулганаар олон чухал чухал асуудлыг хэлэлцэж байна. Үүн дотор олон нийтийн дэмжлэг, итгэлийг олоод байгаа, бас хулгайчдын бухимдлыг барж буй “Хар Жагсалт”-ыг Залуу уран бүтээлчдийн улсын гуравдугаар зөвлөгөөнөөр зарлахаа мэдэгдлээ. Хоёрдугаар зөвлөгөөнийг 1990 онд Хувьсгалт Залуучуудын Эвлэл байхдаа зохион байгуулж байсан бол гуравдугаар зөвлөгөөн нь 25 жилийн хойно болж дараагийн 25 жил Монголыг авч явах шинэ үеийг гаргаж ирэхээр болсон байна.
Мөн хамтын хариуцлагын системээр, асуудлаараа нийлсэн, асуудлаа шийддэг 76 төрийн бус байгууллагынхныг нэгдэхийг уриалж, Цагаан жагсаалтанд төлөөллөө оролцуулж, орсон хүмүүсээ хамтаараа хариуцах уриалгыг дэвшүүлжээ.
Орон нутгийн залуучууд ч баримт, судалгаанд тулгуурласан аймгийнхаа Иргэдийн төлөөлөгчдийн хуралд нэр дэвших хүмүүсийн “Хар жагсаалт” гаргах бэлтгэлээ танилцуулж байна.
Аливаа улс орны хөгжих, цэцэглэх суурь нь тухайн орны залуучуудын хараа бодол, ажил үйлсээс хамаардаг. Тиймдээ МЗХ төрд дархлагдсан “хумслагчдаас” ангижирч, шинэ үеийг гаргаж ирэхийг уриалаад байгаа. Харин үүнд залуучуудын улс төрийн оролцоо идэвхи хамгийн чухал. мөн эрхээ идэвхижүүлж, сонгуульдаа оролцох ажлыг зохион байгуулж, арга аргачлалыг ярилцаж байна.
