Өнөөдрийн дорны зурхай

Аргын тооллын 5 сарын 6. Баасан(Сугар) гараг / 2016

Билгийн тооллын 30, гоё хүүхэн-1 од, шар хулгана, түлэх барилдлагатай өдөр. Хутганы ир өдөр. Өдрийн нар ургах/шингэх цаг: 06:26-21:12. Өдрийн сайн цаг: хулгана(24:40-02:40), үхэр(02:40-04:40), туулай(06:40-08:40), морь(12:40-14:40), бич(16:40-18:40), тахиа(18:40-20:40) болой. Хол газар явагсад зүүн зүгт мөрөө гаргавал зохистой. Үс бүү засуул. Ноёд, хаадын сүлд гараг. Луу, хулгана, бич жилтэн аливаа үйлийг хийхэд эерэг сайн. Харин морь, туулай жилтэн сөрөг муу. Хөрөнгө оруулах, эрхшээх хийгээд хатуу үйл, лам болох, эм найруулах, хурим хийх, замд гарах, эрдэм сурах, шинэ хувцас өмсөх, үхэгсдийн үйл, шинэ барилгыг ашиглалтанд оруулах, худалдаа хийх, тустай үйлийг бүтээхэд сайн. Элдэв сайн үйлийг эхлэн үүсгэхийг тэвчвээс зохистой. Төлөг тавих, морь уралдуулах, нохой тэжээх, хүүхэд үрчлэн авах, улаан идээ авах, хутга мэс ирлэх, архи уух, эд хөрөнгө зээлдүүлэх, нэхэх, нүүдэл хийх, Бэрийн үйлд муу. Мал адгуус дэлгэрдэгч мал бүү гарга.

Зурхайч Д.Цогтбаатар