Албан тушаал ашиг сонирхлын зөрчлийг шалгуулахаар хандсан 37 гомдлыг хянан шийдвэрлэжээ 

Авлигатай тэмцэх газар 2016 оны 4 дүгээр сард албан тушаалтны авлига, ашиг сонирхлын зөрчлийг шалгуулахаар иргэн, аж ахуйн нэгж, байгууллагаас хандсан нийт 38 гомдол хүлээн авснаас 37-г нь хянан шалгаж шийдвэрлэсэн байна.

Өргөдөл, гомдол, мэдээллийг зөрчлийн шинж чанараар нь авч үзвэл, албаны эрх мэдлээ урвуулсан, хэтрүүлсэн, бусдад давуу байдал олгосон, ашиг сонирхлын зөрчилтэй шийдвэр гаргасан, албан тушаалтанд тавигдах хориглолт, хязгаарлалтыг зөрчиж хамаарал бүхий этгээдийн хувийн эрх ашгийг хөндсөн захиргааны акт гаргасан, төсвийн хөрөнгийг хууль бусаар зарцуулсан, хандив, туслалцаа авсан, ашиг сонирхлын зөрчил үүссэн нөхцөлд мэдэгдэл, тайлбар гаргаагүй, хууль бус томилгоотой холбоотой асуудал дийлэнх хувийг эзэлж байна.Авлигатай тэмцэх газраас дээрх зөрчлийг арилгуулах, хууль зөрчсөн албан тушаалтанд хариуцлага тооцуулах чиглэлээр хууль тогтоомжийн хэрэгжилтэд хяналт тавин ажиллаж байна.