Л.Пүрэвсүрэн сайд ОХУ-ын сэтгүүлчдийг хүлээн авч уулзлаа

Монгол Улсыг гадаадад сурталчлах хөтөлбөрийн хүрээнд манай улсад айлчилж буй ОХУ-ын Бүх Оросын Үндэсний радио, телевизийн компанийн /ВГТРК/  Воронеж, Липецк, Чита, Буриад, Улаан Үд, Эрхүү зэрэг 17 салбарын сэтгүүлчдийг Гадаад хэргийн сайд Л.Пүрэвсүрэн хүлээн авч уулзав.

Л.Пүрэвсүрэн сайд гадаад бодлого, хоёр талын харилцаа, хамтын ажиллагааны чиглэлүүд, хөрөнгө оруулалтын боломжийн талаар танилцуулж, сурвалжлагчдын сонирхсон асуултанд хариуллаа.

Монгол Улсын өнөөгийн нийгэм эдийн засгийн хөгжил, бүтээн байгуулалт, соёл спортын ажилтыг оросын олон нийтэд хүргэх, хоёр орны ард түмний уламжлалт найрамдалт харилцааг бататган гүнзгийрүүлэхэд оросын сурвалжлагчдын энэ удаагийн айлчлалын ач холбогдол оршиж байгаа юм.