МУБИС-ийн оюутан бүсгүй дотуур байрандаа амиа алджээ

Өнгөрсөн амралтын өдөр буюу ням гарагт МУБИС-ийн оюутны тавдугаар байранд хүн амины ноцтой хэрэг гарчээ.

Тодруулбал, талийгаач Б нас барахаасаа өмнө оюутны байр руу нөхөр Т-ийн хамт жижүүрээс зөвшөөрөл авч өрөөндөө орсон байна. Гэвч таван минут бололгүй гурван давхраас хамаг хувцас нь цус болж, хүзүүндээ хутгалуулсан байдалтай бууж ирсэн ч удалгүй газар дээрээ амьсгал хураажээ. Нөхөр Т нь өрөөнд нь цусандаа будагдан хэвтэж байсан гэнэ. Тиймээс МУБИС-ийн багш, удирдлагууд хэргийн газар ирж, цагдаа, түргэн тусламж дуудан, нөхөр болох Т-г эмнэлэгт хүргэжээ. Одоо түүний биеийн байдал нь тун хүнд байгаа бөгөөд ГССҮТ-ийн сэхээн амьдруулах тасагт эмчлүүлж байгаа юм байна. Талийгаач Б МУБИС-ийн дизайны ангийн дөрөвдүгээр дамжааны оюутан байсан бөгөөд хичээлдээ их идэвхтэй, хичээл зүтгэлтэй нэгэн байжээ.

Уг хэргийг Сүхбаатар дүүргийн цагдаагийн хэлтэст шалгаж байна.