ХУД-ийн хүүхэд багачууд “Аюулгүй амьдрах ухаанд” суралцъя, хэвшүүлье, нөлөөлье сэдэвт өдөрлөгт амжилттай оролцлоо

Нийслэлийн Онцгой байдлын газраас зохион байгуулсан “Аюулгүй амьдрах ухаанд” суралцъя, хэвшүүлье, нөлөөлье сэдэвт өдөрлөгт гамшгаас урьдчилан сэргийлэх, мэдлэг олгох  сургуулийн өмнөх насны хүүхдүүдийн дунд зохион явагдсан тэмцээнд Хан-Уул дүүргийн 28 дугаар цэцэрлэгийн баг тамирчид амжилттай оролцож гуравдугаар байр эзэллээ. Мөн дүүргийн хэмжээнд зохион байгуулагдсан гар зураг, эссе бичлэгийн тэмцээнд оролцож, байр эзэлсэн 16 сурагчдыг өргөмжлөл мөнгөн шагналаар шагнан урамшуулсан юм. Энэ үеэр гамшгаас урьдчилан сэргийлэх санамж, сэрэмжлүүлэх материалыг нийт 750 хүнд тарааж, арга зүйн зөвлөгөө өгч ажилласан байна.