Хүүхдийн төлөө байгууллагыг С.Амгаланд хариуцуулъя

“Авъяас” хүүхдийн ордны багш С. Амгаланг хүүхдэд зориулсан сонин,сэтгүүл гаргаж, урлаг спортын дугуйлан хичээллүүлж,хүүхдийн наадам зохион байгуулж завгүй ажиллаж явдгийг мэдэх юм. Түүнийг хүүхдэд хайртай хүн болгон “Хүүхдийн төлөө төрсөн хүн” гэлцэнэ. Монголын ирээдүй болсон багачуудын сайн сайхны төлөө олон жил цуцалтгүй зүтгэж яваа залууд урам хайрласан нь энэ. Түүнийг Монголын хүүхдийн байгууллагын удирдлагад хамгийн сайн тохирох хүн хэмээн мэргэжил нэгт нөхөд,үе үеийн шавь нар төдийгүй хүүхдэд элэгтэй хүн бүр ингэж ярих болов. Учир нь,хүүхдийн нэртэй байгууллагыг хүүхдийн төлөө чин сэтгэл, зүтгэл өвөртөлсөн, хүүхдүүдийн дунд байж, тэдний сэтгэл хүсэл мөрөөдлийг ойлгодог, зөв чиг хандлагад чиглүүлдэг тийм л удирдагчтай байгаасай гэж хүн бүр хүсдэгийнх. Хүүхдүүдийн төлөө ихийг хийж чадах тийм газарт зөв хүнээ томилж ажиллуулаасай.

Хүүхдийн нэрээр хөлжиж,баяжигчид дэндүү олширчээ. Сүүлийн хэдэн жил сонгуульд ялсан нам бүр албан тушаалын “бялуу”-г зүсэм зүсэм,хэрчим хэрчмээр тараасан. Хүүхдийн төлөө байгууллагыг хүүхдэд чин сэтгэлээ зориулж чадах хүнээр удирдуулбал нүдээ олсон томилгоо болно. МАН-ынхан тийм хүнийг хайж байгаа бол С.Амгаланг санал болгож байна.

Түүнийг “Найрамдал” зуслан, Монголын хүүхдийн ордон, Нийслэлийн хүүхэд гэр бүл хөгжлийн төв зэрэг хүүхдийн сайн сайхны төлөөх аль нэгэн байгууллагыг удирдаасай гэж хүүхдээр овоглосон олон олон байгуулагынхан харж байна. Олон нийт ч цахимаар дэмжиж байгаагаа илэрхийлж байна.

Н.Яруухан