Монгол Улс Европын холбооны хар жагсаалтад орсон нь бодлогын алдаанаас болсон

Монгол Улс Европын Холбооны хар жагсаалтад орсон гэх дуулиан олныг цочирдуулав. Уг жагсаалтад орохоос дөрвөн сарын өмнө буюу 2017 оны наймдугаар сарын 4-нд Монгол Улсын Ерөнхийлөгчийн Тамгын газраас тухайн үеийн Сангийн сайд Б.Чойжилсүрэнд “Оффшор бүсэд хууль бусаар хөрөнгө байршуулахын эсрэг үйл ажиллагаа явуулдаг татварын ил тод байдал, мэдээлэл солилцооны чиглэлээрх Дэлхийн форум, Татварын суурийг багасгаж ашгийг зувчуулах асуудлын эсрэг төсөл”-тэй хамтарч ажиллахаар төлөвлөж байгаагаа илэрхийлж байв. Уг албан бичигт дурдсанаар эдгээр байгууллагад нэгдэж орох асуудлыг судлан үзэж хэрэгжүүлж ажиллахыг хүсчээ. Уг  бичгийн зорилго нь Монголд үйл ажиллагаа явуулдаг үндэстэн дамжсан корпорациуд, тухайлбал, Рио Тинто-гоос татвараа бүрэн авахын тулд холбогдох хэлэлцээрүүдэд яаралтай нэгдэн орох тухай хүсэлт байсан юм. Сангийн дэд сайд Х.Булгантуяагийн байр суурь тухайн үед өөр байсныг хариу албан бичгээс харж болно. Ч.Хүрэлбаатарыг сайд болсноос хойш байр суурь нь эрс өөрчлөгдсөн байна. Монгол Улс хар жагсаалтад орсон нь төрийн бодлогын алдаанаас болов уу. Тухайн үед явуулж байсан албан бичгийг толилуулъя.