Дорнод аймгийн хүн ам 79,5 мянгад хүрлээ

Дорнод аймгийн Засаг даргын 2017 оны 11 дүгээр сарын 30-ны өдрийн “Хүн ам, өрхийн мэдээллийн санг шинэчилж, мал, тэжээвэр амьтдын тооллого явуулах тухай” захирамжийн дагуу Статистикийн хэлтэс аймгийн хэмжээнд 12 дугаар сарын 7-17-ны өдрүүдэд хүн амын шинэчилсэн бүртгэл хөтөлж, тооллогын ажлыг зохион байгууллаа.
2017 оны жилийн эцсийн тооллогоор Дорнод аймгийн 14 сумын 66 багт нийт 79,5 мянган хүн ам суурьшин амьдарч байгаа судалгаа гарлаа. Үүнээс 56.3 хувь нь аймгийн төвд, 17,3 хувь нь сумын төвд, 26,4 хувь нь хөдөө амьдарч байна.
Нийт хүн амын 57,0 хувь буюу 45,3 мянга нь Хэрлэн сум буюу Чойбалсан хотод амьдарч байна. Хөдөөгийн сумдаас Гурванзагал сум хамгийн цөөн буюу 1414, Баян-Уул сум хамгийн олон буюу 4654 хүн амтай, 3000-аас дээш хүн амтай сумдад Баяндун, Баян-Уул, Дашбалбар, Халхгол, Цагаан-овоо сумд тус тус оржээ.
Нийт хүн амын тоог урьд онтой харьцуулахад өнгөрсөн оноос 1735 хүнээр буюу 2.2 хувиар өссөн бол өрхийн хувьд 734 өрхөөр буюу 3.1 хувиар тус тус өссон үзүүлэлттэй байна.