“Пёнчан-2018” өвлийн XXIII олимпийн наадамд Монгол Улсаа төлөөлөн оролцох баг тамирчдаа албан ёсоор үдэн гаргаж, Төрийн далбааг гардуулах ёслол өнөөдөр Боловсрол, соёл, шинжлэх ухаан спортын яамны Хүндэтгэлийн танхимд болов.
БНСУ-ын Пёнчан хотноо өвлийн XXIII олимпийн наадам энэ сарын 9-нд нээлтээ хийнэ. Энэ удаагийн “Пёнчан 2018” олимпийн наадамд 92 орны 3000 гаруй тамирчин спортын 15 төрлөөр өрсөлдөнө.
“Пёнчан 2018” өвлийн олимпийн наадмын Монголын үндэсний шигшээ багийн ахлагчаар УИХ-ын гишүүн, Хөдөлмөрийн баатар, Дархан аварга Б.Бат-Эрдэнэ томилогджээ. Тэрбээр1988, 1992, 2000 оны зуны олимпийн надаамд жүдо бөхийн тамирчнаар оролцохдоо бүгдэд нь тугч болж байсан бол анх удаа өвлийн олимпийн наадамд баг тамирчдаа ахлан оролцож байна.
Өвлийн олимпийн баг тамирчдыг танилцуулахад, ОУХМ Б.Ачбадрах, ОУХМ Ч.Отгонцэцэг нар хурдаа сорино. Дасгалжуулагчаар Х.Хаш-Эрдэнэ /Гүйлтийн цанын тамирчин, “Турин 2006”, “Ванкувер 2010” олимпод оролцсон, Үндэсний шигшээ багийн дасгалжуулагч/ Төлөөлөгчөөр Э.Очирсүрэн /Монголын цанын холбооны ерөнхий нарийн бичгийн дарга, “Турин 2006”, “Ванкувер 2010” олимпийн наадамд оролцсон тамирчин/. Пёнчаны олимпийн наадмын эмэгтэйчүүдийн 10 км-ын зайд Ч.Отгонцэцэг хоёрдугаар сарын 15-нд уралдах бол гүйлтийн цанын эрэгтэйчүүдийн 15 км-т Б.Ачбадрах хоёрдугаар сарын 16-нд хурдаа сорих юм.
УИХ-ын гишүүн, Засгийн газрын гишүүн, Боловсрол, соёл, шинжлэх ухаан, спортын сайд Ц.Цогзолмаа энэхүү ёслолын үеэр баг тамирчдад баяр хүргэж, өндөр амжилт гаргахыг хүсэв. “Хэдхэн хоногийн өмнө ард түмнээ баярлуулж, “Пёнчан 2018” өвлийн олимпийн наадамд оролцох эрхээ баталгаалжуулсан тамирчин Б.Ачбадрах, Ч.Отгонцэцэг нартаа дахин баяр хүргэе. Олимпийн эрхийн буухиаг залгуулж, хүчин чармайлт гаргасан цанын холбоо болон тамирчдадаа талархал илэрхийлж байна. Та бүхэндээ спортын өндөр амжилт хүсье” гэж сайд Ц.Цогзолмаа онцлоод Монгол Улсын Төрийн далбааг “Пёнчан 2018” өвлийн олимпийн наадамд оролцох Монголын багийн ахлагчид гардуулсан юм.
435 борлуулалтын цэгээр 280,000 тонн хагас коксон түлшийг айл, өрхүүдэд борлуулна 
Шинэ уран бүтээл: Дуучин М.Янжиндарь “Аргамжаа” 
Засгийн газрын ээлжит хуралдаанаас гаргасан шийдвэрийг танилцуулж байна 
УИХ-ын дарга С.Бямбацогт “Хар жагсаалт”-ын асуудлыг цэгцлэх чиглэлээр Монголбанкны удирдлагад 30 хоногийн хугацаатай үүрэг өглөө 
Хаврын ээлжит чуулганы хугацаанд Улсын Их Хурлын гишүүдээс 16 асуулт, 27 асуулга тавьжээ 
Б.Пүрэвдагва: “Сэлбэ” төслийг амжилттай хэрэгжүүлж, энэ жишгээр гэр хорооллыг орон сууцжуулна 
Согтуугаар тээврийн хэрэгсэл жолоодсон 44 зөрчил бүртгэгджээ 
Өнөөдөр хөх луу өдөр 
Улаанбаатарт өдөртөө +26 градус дулаан 
Зуншлага нийт нутгийн 50 гаруй хувьд сайн байна 
Улаанбаатарт өдөртөө +26 градус дулаан 
Ерөнхийлөгч У.Хүрэлсүх, Эмомали Рахмон нар мэдээлэл хийлээ 
Усны ослын 84 удаагийн дуудлагаар 45 иргэний амь насыг авран хамгаалжээ 
Ерөнхийлөгч У.Хүрэлсүх, Эмомали Рахмон нар албан ёсны хэлэлцээ хийлээ 
Согтуугаар тээврийн хэрэгсэл жолоодсон 80 зөрчил бүртгэгджээ 
Улаанбаатарт өдөртөө +24 градус дулаан 
Тажикистан Улсын Ерөнхийлөгч төрийн айлчлал хийнэ 
Шинэ клип: Дуучин Э.Чулуунчимэг “Дэлтэй шувуу” 
Өв соёлоо тээж яваа уяачдын галаар УИХ-ын дарга С.Бямбацогт зочлон баяр хүргэв 
Япон Улсын Эзэн хаан баяр наадмын мэндчилгээ ирүүлжээ 
Казахстаны Ерөнхийлөгч К.Токаев мэндчилгээ ирүүллээ 
