Ирэх ням гарагт “Сонгино хайрханы хишиг” барилдаан болно

Дөрвөн уулын хишиг барилдааны ээлжит цуврал “Чингис хаан” банкны нэрэмжит “Сонгино хайрханы хишиг” өндөр чансаатай шилдэг 128 бөхийн барилдаан ирэх ням гарагт /2019.04.14/ Бөхийн өргөөнд болно.

Монгол бөхийн өнөө цагийн Арван засгийн наадам хэмээгддэг тус барилдаанд зодоглох бөхчүүдийг энэ сарын 12, 13 -нд 10-17 цагийн хооронд цахимаар бүртгэнэ. Бөхийн барилдааны тасалбарыг Тикет.мн болон Бөхийн өргөөний тасалбар түгээх цэгээр худалдаалж байна.

Дашрамд дуулгахад, барилдааны үеэр үзэгчдээс 500 мянган төгрөгийн 2 азтанг, мөн 2 азтай үзэгчийг тодруулна.