“Бүргэдийн баяр” ирэх сарын 12-нд болно

Монгол Улсын аялал жуулчлалын хамгийн сонирхолтой өдөрлөгийн нэг болох “Нүүдэлчдийн өвөл-Бүргэдийн баяр-2022” арга хэмжээг Улаанбаатар хотод зохион байгуулахаар болжээ. Тус арга хэмжээ “Монгол-Кувейтийн байгаль хамгаалах төв”-д ирэх сарын 12-нд болно.

Бүргэдийн баяраар бүргэдчид бүргэдээ хэрхэн сургасан байдлыг шалгаруулах үзүүлбэр, казахын ард түмний уламжлалт тоглоом тулам булаалдах тэмцээн, урлагийн тоглолт, шонхор шувууны үзүүлбэр, бүргэдээр ан бариулах шувуулахуйн үзүүлбэрүүдийг тус тус үзүүлэх аж.