Өнөөдөр хөх морь өдөр

-Билгийн тооллын 27, хөх морь, мэнгэ 1 цагаан, суудал төмөр, тооно-22 од, рашаан барилдлагатай өдөр. Овоо тахих өдөр.

-Өдрийн нар ургах/шингэх цаг: 06:43-19:13.​

-Өдрийн сайн цаг: Морь(11:40-13:40), бич(15:40-17:40), тахиа(17:40-19:40), хулгана(23:40-01:40), үхэр(01:40-03:40), туулай(05:40-07:40) болой.

-Үс засуулахад сэтгэл амгалан өлзийтэй сайн. Харин хулгана, могой, морь, хонь жилтнээ муу цээрлэвэл зохилтой.

-Хол газар явагсад баруун урд зүгт мөрөө гаргавал зохистой.

-Бар, нохой, гахай жилтнээ аливаа үйлийг хийхэд эерэг сайн. Харин хулгана, могой, морь жилтнээ сөрөг муу.

-Хүний сүлд нүд, өвдөг, хөлний булчинд, гэрийн сүлд голомтонд орших болой.

-Ялгуусны, гахай, хулгана жилтний сүлд гараг, могой, морь жилтний харш гараг.

-Үс засуулах, сүмийн тахил тахилга засах, бурхан, гал тахих, багш шавь болох, бурхан, луст залбирах, насны хүчийг арвижуулах, буян хишгийн даллага авах, хаад ноёд, ихэс дээдэст тангараг, амлалт гаргах, бичиг зурхай зурах, дээл хувцас, гэр орны хэрэгсэл оёж, хатгах, шинэ гэр, байшин, асар майханы суурь тавих, газар хагалах, тариа ногоо тарих, мод таслах, замд гарах, худалдаа хийх, өөрийн амьдралд тустай ажил хийх, хөрөнгө оруулах, нууц зөвлөгөөн хийх, эм найруулах, усан засал, садан бололцох, зүүн зүгт одох, тангараг няцах, хаах, үхэгсдийн үйл, мал хөнгөлөх, ан гөрөө хийх сайн. Бэрийн үйл, буян номын үйл, ном сонсох, гадагш өгөх, нялхасыг хөлд оруулах, гадагш явуулах, цэрэг хөдөлгөх, шинэ гэр, байшин, асар майхан босгох, нүүдэл хийх, анд бололцох, дээл хувцас, гэр орны хэрэгсэл эсгэх, малын үс, ноос хяргах, морь худалдах, уралдуулах, мал гаргах, улаан идээ авах, эд, мал худалдан авах, хөрөнгө исгэх, үр цацах, хүүр түлэх муу. Үр таслах дэлгэрдэгч үхэгсдийг бүү тавь.