Өнөөдөр 25 тэрбум төгрөгийн үнэт цаас арилжина

Сангийн яам өнөөдөр Монголын хөрөнгийн биржээр дамжуулан 9 сар болон 2 жилийн хугацаатай 25 тэрбум төгрөгийн Засгийн газрын үнэт цаас арилжахаар болжээ. 9 сарын хугацаатай Засгийн газрын жижиглэнгийн үнэт цаас нэгж бүр нь 100 мянган төгрөгийн нэрлэсэн үнэтэй бөгөөд нийт 10 мянган ширхэгийг борлуулах аж. Үнэт цаас 14.915 хувийн хүүтэй бөгөөд хүүгийн төлбөр хугацааны эцэст төлөгдөх юм. 2 жилийн хугацаатай үнэт цаас нь мөн нэгж бүр 100 мянган төгрөгийн нэрлэсэн үнэтэй бөгөөд 150 мянган ширхэгийг борлуулна. Харин хүүгийн төлбөр хагас жил тутамд төлөгдөх аж. Үнэт цаасны арилжаанд оролцох хүсэлтэй аж ахуйн нэгжүүдийн бүртгэл Монголын хөрөнгийн биржид өнөөдөр 11.00 цаг хүртэл явагдана.