Захиргааны ерөнхий хуулийн талаар сургалт зохион байгуулав

УИХ-ын Тамгын газар Швейцарийн Хөгжлийн агентлаг, НҮБ-ын Хөгжлийн хөтөлбөрийн  “Иргэдийн оролцоотой хууль тогтоох ажиллагааг дэмжих” төслийнхөнтэй хамтран “Захиргааны ерөнхий хуулийн тухай нарийвчилсан сургалт”-ыг өнөөдөр /2016.10.14/ Төрийн ордонд зохион байгууллаа.

Улсын дээд шүүхийн шүүгч П.Соёл-Эрдэнэ “Захиргааны шийдвэрт тавигдах шаардлага, захиргааны шийдвэр боловсруулахад анхаарах зүйл”, Удирдлагын академийн багш, доктор А.Алтанзул “Захиргааны ерөнхий хууль дахь шинэлэг зохицуулалт” сэдвээр танилцуулга хийж, сургалтад оролцогчидтой санал бодлоо хуваалцав.

Сургалтад УИХ-ын Тамгын газрын удирдлага, Хууль, эрх зүйн үйлчилгээний хэлтсийн Эрх зүйн шинжилгээний алба, Захиргаа, санхүү үйлчилгээний хэлтсийн Сургалт, хүний нөөцийн албаны ажилтнууд оролцлоо гэж УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.