Сампилын бүтээсэн “Аз жаргал”-д умбахыг хүсвэл….

Аврора Фильмс болон Очир Дэнзэн Энтертэйнментийн бүтээл “АЗ ЖАРГАЛ” уран сайхны кино дэлгэцэнд гараад багагүй хугацаа өнгөрч байна. Уг киноны ерөнхий найруулга мөн зохиолчоор Б.Чингүүн ажиллаж, харин “Маск продакшн”-ы жүжигчин бидний мэдэх Сампил дүрээрээ алдартай болсон Ц.Ганзориг продюсераар ажиллажээ. “Аз жаргал” кино нь театруудын дэлгэцээр гарсан цагаас эхлүүлэн үзэгчдийн мэлмийг норгож, сэтгэлийг нь догдлуулж байгаа хүнд атлаа амьдралын нарийн утсыг чамин харуулсан бүтээл болж чадсан нь үзэгчдийн ярианаас болон кино үзээд гарч байгаа үзэгчдээс дүгнэж болох юм.

Азаагийн дүрд тоглосон Ц.Мичидмаа охин энэ киног өөрийн уран чадвар, авьяас мэдрэмжээрээ дүрээ амилуулснаар өөрийгөө ирээдүйд хэр их чансаатай жүжигчин болохоо харуулж чадсан юм.

Ц.Мичидмаа охин кино гарснаасаа эхлэн сошиал медиагийн сенсаци болж чадаж байна. Амжилт дагуулсан найруулагч Б.Чингүүний уран бүтээлүүд цаашид туурвигдана гэдэгт итгэж байна.