Дуучин МУСТА Э.Чулуунчимэг уран бүтээлийн 3 дахь хүүхдээ өлгийдлөө

2017 оны 04-р сарын 27 өдөр, 13 цаг 34 минутад нийтэлсэн (Сэтгэгдэл үлдээх )
chukkk

-“Зүгээр л инээмсэглэ” цомгийн баяр боллоо-

Нийтийн дууны эрхэмсэг бүсгүйчүүдийн нэг Э.Чулуунчимэг бие даасан уран бүтээлийн 3 дахь цомгоо өлгийдөн авлаа. Тэрээр энэ удаа найман настай балчираас 80 настай буурал хүртэл аялаж, даган дуулж буй “Зүгээр л инээмсэглэ” дуугаараа цомгоо нэрийджээ. Хүүхэд байхаасаа урлагт хөл тавьсан тэрээр оюутан ахуй цагтаа “Санаандгүй учирсан дурлал” цомгоо гаргаж байсан бол 2016 онд “Сэтгэлийн зурвас” хэмээх хайрын дууны цомог өлгийдсөн. Уран бүтээл төрөх нь хүүхдээс ялгаагүй хэмээн урлагийнхан ярьдаг. Тэгвэл түүний уран бүтээлийн 3 дахь хүүхдийг фэнүүд нь хамтдаа өлгийдөж Hi-Fi CD shop-д хайртай дотны дуучинтайгаа цомгийн баярыг нь тэмдэглэлээ. 5 сарын 2-нд төрсөн өдрөө үзэгч түмэнтэйгээ тэмдэглэх гэж буй дуучин бүсгүй өнөөдөр тун ч эрч хүчтэй харагдаж байлаа. Түүний “Зүгээр л инээмсэглэ” цомогт төрөл бүрийн сэдэвтэй уран бүтээлүүд багтсан бөгөөд амьдралын өөр нэгэн өнгө гэрлийг сонсогчдод мэдрүүлэхийг зорьжээ.  Чамд чам шиг дурлахсан, Дээшээ морил, Сэтгэлийн зурвас, Бусдын зүрх зэрэг сонсогчдоос өндөр үнэлгээ авч буй дуунууд шинэ цомогт нь багтжээ. Мөн охид бүсгүйчүүдийн аялан, сонсох дуртай болсон “Зүгээр л инээмсэглэ” дуу понаграммтайгаа багтсан тул та өөрөө ч дуулах боломжтой юм байна.

 

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх

Нийт 1 сэтгэгдэлтэй
  1. Oyu
     (103.57.92..***)
    2017/05/11 10:41

    Bvsgvi dvv mini amjilt,

    (0) (0)