“Донж төгөлдөр” тоглолт боллоо

2019 оны 03-р сарын 26 өдөр, 12 цаг 51 минутад нийтэлсэн (Сэтгэгдэл үлдээх )
3a574a20e9ea36587c2934c7881e2602

Ардын дууны уянгат аялгуу нь хэн бүхний сэтгэлд хүрч, хүний дотоод амар амгаланг нээх увидастай байдаг. Тэр ч утгаараа Монгол ардын дуу  гайхамшигт нэгдлийн урлал гэлтэй.

Саяхан “Донж төгөлдөр” хэмээн тоглолтоо нэрийдэж, төгс төгөлдөр аялгууг ард түмэндээ хүргэсэн МУСТА С.Нэргүй яахын аргагүй ардын дууг урладаг дуучин аж.

Цоглог хоолойн өнгө, нарийн мэдрэмжтэй нугалаа гээд уран бүтээлч хүний төгс чадваруудыг бүрдүүлсэн дуучин маань ийнхүү найм дахь удаагын тоглолтоо түмэндээ хүргэсэн юм.

Танхим дүүрэн үзэгчдийн халуун алга ташилт, дуулсан дуу бүрийг нь даган дуулах тэдгээр дуунд дуртай үзэгч түмний халуун сэтгэлээс эрхэм дуучны ямар чансаатай уран бүтээлч болох нь харагдаж байсан юм.

“Донж төгөлдөр” тоглолт олон гэнтийн бэлгээр дүүрэн байсны нэг нь Богд хаант МУ-ын Төрийн дуулал хэмээн өргөмжлөгдөж байсан хүндтэй уран бүтээл болох “Зуун лангийн жороо луус” хэмээх уран бүтээлийг 21 дарь эхийн хамт тайзнаа амилуулсан явдал байлаа.

Тоглолтын хойморт МУГЖ Ц.Үенч, МУГЖ С.Ганзориг, МУСТА  А.Түмэн-Өлзий нар хүрэлцэн ирж ая дууны цэнхэр хадгаа өргөн барисан бол МУУГЗ Б.Ганбаатар, Болор цомын хошой эзэн яруу найрагч Б.Ичинхорлоо нар хамтран хөтөлж тоглолыг улам төгс төгөлдөр болгосон юм.

Түүний тоглолтыг үзсэн үзэгчид “Сүүлийн үед амьд хөгжимтэй ардын дууны чанартай тоглолт үзсэнгүй” хэмээн сэтгэл хангалуун байсан юм.

Харин эрхэм дуучин маань “ДОНЖ ТӨГӨЛДӨР”-уран бүтээлийн тоглолтоо хөдөө орон нутагт тоглохоор бэлтгэл ажилаа хэдийнээ  базаагаад эхэлжээ.


Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх