Мэргэжлийн хяналтын байгууллагын бүх албан хаагчид өндөржүүлсэн бэлэн байдалд ажиллаж байна

2020 оны 02-р сарын 19 өдөр, 13 цаг 25 минутад нийтэлсэн (Сэтгэгдэл үлдээх )
682cd594a1d3ead607a5258a860e0f46

Шинэ коронавирус COVID-19-ийн тархалт, өвчлөлөөс урьдчилан сэргийлэх зорилгоор Мэргэжлийн хяналтын байгууллагын хилийн боомт дээрх алба, хэлтэс 01.06-наас өндөржүүлсэн байдалд хяналт тандалт, ариутгал халдваргүйтгэлийг хийн ажиллаж байна. 2020.01.06-02.18 хүртэл хугацаанд Буянт-Ухаа боомтоор орох чиглэлд 187 агаарын хөлөг, 26246 зорчигч, авто болон төмөр замын боомтуудаар орох чиглэлд тээврийн хэрэгсэл, 28118 тээврийн хэрэгсэл, 96402 зорчигч хил нэвтрэх үед хяналт тандалт хийж, шинэ коронавирүсийн сэжигтэй 100 тохиолдлыг илрүүлэн, ХӨСҮТ болон орон нутгийн Эрүүл мэндийн байгууллагад шилжүүлжээ. Халдварын сэжигтэй 15 зорчигчийг /БНХАУ болон ОХУ-ын иргэд/ буцаасан байна.

Монгол Улсын Ерөнхийлөгчийн зарлиг, Монгол Улсын Засгийн газар, Улсын Онцгой комиссын шийдвэрийг үндэслэн МХЕГ-ын даргын тушаалаар 65 заалт бүхий тусгай горимоор ажиллах төлөвлөгөө гарган Мэргэжлийн хяналтын байгууллага системийн хэмжээнд өндөржүүлсэн бэлэн байдалд энэ сарын 13-наас тусгай горимоор ажиллаж байна. Тусгай горимд улсын хэмжээнд Мэргэжлийн хяналтын байгууллагын 26 шуурхай штаб, нэгж байгуулагдан 24 цагаар хариуцлагатай жижүүр томилон ажиллаж, бүх албан хаагчийг бэлэн байдлын зэрэгт шилжүүллээ.

Өндөржүүлсэн бэлэн байдлын үед цахилгаан, дулаан, усан хангамж, ариутгах татуургын системийн аюулгүй байдлыг хангуулахад анхаарч, болзошгүй эрсдэлээс урьдчилан сэргийлэхийг холбогдох байгууллагуудад анхааруулав. Мөн шашны 229 байгууллагад олон нийтийг хамарсан шашин номын хурал, цуглаан, зан үйл зохион байгуулахгүй байх мэдэгдэл, Цагаан сарын баярт зориулсан реклам, сурталчилгааг даруй зогсоох тухай мэдэгдлийг хэвлэл, мэдээллийн байгуулагад хүргүүлж, хэрэгжилтэд хяналт тавин ажиллаж байна.

Улсын Онцгой Комиссын хуралдааны тэмдэглэл, Хүнс, хөдөө аж ахуй, хөнгөн үйлдвэрийн сайдын 2020.02.07-ны өдрийн А/45 тоот тушаалын дагуу БНХАУ-ын өвчлөл бүхий бүс нутгаас тахианы мах, өндөг, тахианы тэжээл импортлохыг хориглож, тушаалын хэрэгжилтэд хяналт тавин ажиллаж байна. Улсын хилээр нэвтэрч буй ачаа тээшинд ариутгалыг хийж байгаа бөгөөд 02.13-ны өдрөөс хойш 1475 чингэлэг, 61 вагонд халдваргүйтгэл хийж нэвтрүүлээд байна.

Улсын хэмжээнд нийт 3262, үүнээс худалдаа үйлчилгээний 1347, хоол үйлдвэрлэлийн 396, хүнсний үйлдвэрлэлийн 305, худалдаа эрхлэгч 1214 иргэдийн үйл ажиллагаанд урьдчилан сэргийлэх хяналт шалгалт хийж, зөрчил гаргасан иргэн, аж ахуйн нэгжид нийт 64,1 сая төгрөгийн торгууль ногдуулан, зөрчил арилгуулах 104 албан шаардлага өгч, хүний амь нас, эрүүл мэндэд ноцтой хохирол учруулахуйц зөрчил бүхий 15 хүнсний худалдаа, үйлдвэрлэл, үйлчилгээний газрын үйл ажиллагааг улсын байцаагчийн актаар түр хугацаагаар зогсоосон.

Чанар, аюулгүй байдлын шаардлага хангаагүй, хадгалалтын хугацаа хэтэрсэн, гарал үүсэл тодорхойгүй 301 нэр төрлийн 83,5 литр, 158,9 кг, 3432 ширхэг хүнсний түүхий эд, бүтээгдэхүүнийг улсын байцаагчийн 45 актаар хурааж орон тооны бус зөвлөлд шилжүүлэн хаяг шогын зөрчил бүхий 48 нэрийн 61.1 сая төгрөгийн хүнсний түүхий эд бүтээгдэхүүнийг зах зээлээс эргүүлэн татуулж зөрчлийг арилгууллаа.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх

Нийт 4 сэтгэгдэлтэй
  1. Anonymous
     (103.9.90.9.***)
    2020/02/20 08:59

    бэлэн байдлаас гадна нарантуулын хойд хаалганы орчмыг шалгаж цэгцлээчээ тэр хаалгыг нээрэн бүр хаамаар юм тэнд үхсэн нохой, муур, нус, цэр, шээс, баас, хог, угаадас, архичин бүгд байна дэргэд нь 1000 төгрөгөөр шорлог зарж шилэн захын ард гуанз ажиллуулж угаадсаа асгаж хүн ачидаг микро битүү зогсож өдөржин шээж бааж өнжих юм мэргэжлийн хяналт ажиллаачээ баянзүрх дүүргийн мэргэжлийн хяналт огт үзэгдэхгүй юм

    (0) (0)
  2. Anonymous
     (103.9.90.9.***)
    2020/02/20 08:30

    худлаа бэлэн байдал гээд байх юм нарантуулын арын хаалгыг бүр хаагаачээ тэнд орон сууцнууд баригдаад хүн амьдрах гээд байдаг амьдрах арга алгаа

    (0) (0)
  3. Anonymous
     (103.9.90.9.***)
    2020/02/20 08:29

    Баянзүрх дүүрэгт мэргэжлийн хяналт байхгүй юм уу огт ажилладаггүй нарантуулаа хаагаачээ тэр хавьд бүр төлөөлгөч суумаар юм аймаар

    (0) (0)
  4. Anonymous
     (103.9.90.9.***)
    2020/02/20 08:28

    нарантуул орчимд мэргэжлийн хяналт ажилладаггүй юм уу аймаар тэнд жинхэнэ өвчний үүр байна хойд хаалганы тэнд нв бүүр аймаар ээ бурхан минь нил нус цэр шээс баас

    (0) (0)