Өнөөдөр шар бар өдөр

-Аргын тооллын 8 дугаар сарын 3. Даваа (Сумьяа) гараг (2020)

-Билгийн тооллын шинийн 15, шар бар, яруу эгшигт-21 од, суудал төмөр, мэнгэ 5 шар, идэрийн барилдлагатай өдөр. Хутганы ир, лусын буулттай өдөр.

-Өдрийн нар ургах/шингэх цаг: 05:31-20:24.

-Өдрийн сайн цаг: Нохой(19:40-21:40), хулгана(23:40-01:40), үхэр(01:40-03:40), луу(07:40-09:40), хонь(13:40-15:40) болой.

-Үс засуулахад өлзийтэй маш сайн. Гэвч бич, луу жилтнээ цээрлэвэл зохилтой.

-Хол газар явагсад баруун зүгт мөрөө гаргавал зохистой.

-Морь, нохой, бар жилтнээ аливаа үйлийг хийхэд эерэг сайн. Харин бич жилтнээ сөрөг муу.

-Гэр байшин барих, шүтээн босгох, равнайлах, хишиг даллага авахуулах, лус ба тэнгэр тахих, хөрөнгө исгэх, архи нэрэх, хурим хийх, сан тавих, хот байгуулах, хот тосгоны суурь тавих, тооцоо хийх, мэргэ төлгө тавих, цэрэг хөдөлгөх, баясгалангийн хурим, газар хагалж тариа тарих, хувцас эсгэх, чимэг зүүх, бүжиг наадам үйлдэхэд сайн. Цацал өргөх, эм найруулах, төрөл садан бололцох, ном эхлэн заалгах, худаг малтах, эхэлж ном сонсох, замд гарах, шинэ хувцас өмсөх, эд юм өгөх, нүүдэл хийхэд муу. Лусын үүд дэлгэрдэгч балин бүү гарга.

Зурхайч лам Д.Цогтбаатар