“Тавилгаа өөрөө хийж сурцгаая” арга хэмжээ боллоо

Нийслэлийн Шинжлэх ухаан, үйлдвэрлэл, инновацын газар, Юнион пойнт ХХК-тай хамтран 2020 оны 10 дугаар сарын 10-ны өдөр “Тавилгаа өөрөө хийж сурцгаая” арга хэмжээг Улаанбаатар инновацын төвд зохион байгууллаа.

Тус арга хэмжээнд оролцогчид зах зээлд борлогдож буй тавилгуудын ханш, чанарын мэдээлэл, сүүлийн үеийн тавилгын шинэ чиг хандлага, хэрэглээ, хэрхэн хямд зардлаар гар доорх материалаа ашиглан өөрийн хүссэн өнгө загвараар гэрийнхээ тавилгыг хийж болох шийдлийн талаар мэргэжлийн зөвлөгөө, мэдээлэл авч Юнион пойнт ХХК-аас бэлдсэн тавилга, түүнд хэрэглэгдэх материалыг ашиглан аюулгүй ажиллагааны заавар, зөвлөмжин дор өөрийн гараар хийсэн тавилгаа авсан юм.