Эрчим хүчний сайдаар Н.Тавинбэх улиран сонгогдлоо

Монгол Улсын 32 дахь Ерөнхий сайд Л.Оюун-Эрдэнэ шинэ Засгийн газрын бүрэлдэхүүнийг Улсын Их Хурлын чуулганы өнөөдөр /2021.01.29/-ийн хуралдаанд танилцууллаа. Эрчим хүчний сайдаар Нансалын ТАВИНБЭХ дахин томилогдож, тангараг өргөлөө.

Эрчим хүчний сайд Н.Тавинбэхийн намтар

БОЛОВСРОЛ:

• 1989 онд Багануур дүүргийн ерөнхий боловсролын сургууль

• 1994 онд Техникийн их сургууль

• 2005 онд Удирдлагын академи

• 2020 онд Шинжлэх ухаан, технологийн их сургуулийг тус тус төгссөн.

АЖЛЫН ТУРШЛАГА:

• 1995-2001 онд Багануурын цахилгаан, шугам сүлжээний газрын Засварын албанд монтёр, мастер, албаны дарга, инженер

• 2001-2007 онд “Багануур зүүн өмнөд бүсийн цахилгаан түгээх сүлжээ” ТӨХК-ийн дэд захирал, ерөнхий инженер

• 2007-2013 онд “Багануур зүүн өмнөд бүсийн цахилгаан түгээх сүлжээ” ТӨХК-ийн гүйцэтгэх захирал

• 2015-2017 онд Багануур хотын захирагч

• 2017-2020 онд “Багануур зүүн өмнөд бүсийн цахилгаан түгээх сүлжээ” ТӨХК-ийн гүйцэтгэх захирал