Ази, Номхон далайн сайд нарын хуралд бүс нутгийн хүүхдүүдийг төлөөлөн монгол охин оролцлоо

2022 оны 09-р сарын 21 өдөр, 21 цаг 20 минутад нийтэлсэн (Сэтгэгдэл үлдээх )
307353900_478492377622779_1543419021691457998_n
Австрали улсын Брисбани хотод зохион байгуулагдаж байгаа Гамшгийн эрсдэлийг бууруулах Ази, Номхон далайн сайд нарын хуралд “Дэлхийн зөн-Монголд” олон улсын байгууллагын шугамаар Төв аймгийн ерөнхий боловсролын сургуулийн сурагч М.Даваасүрэн оролцож байна.
Тэрбээр энэхүү хуралд монгол хүүхдүүдээ төдийгүй Ази, Номхон далайн бүсийн орнуудын бүх хүүхдүүдийг төлөөлж, Гамшгийн эрсдэлийг бууруулах, уур амьсгалын өөрчлөлтөд дасан зохицоход хүүхдүүдэд ямар хэрэгцээ шаардлага байгаа, мөн тэд энэ чиглэлээр олон зүйлд хувь нэмрээ оруулж, илүү аюулгүй, эрсдэлгүй бүс, улс, орон нутгийг бий болгоход хувь нэмрээ оруулж чадах талаар дуугаа хоолойгоо хүргэж байгаа юм.
Түүнчлэн Гамшгийн эрсдэлийг бууруулахад хүүхэд, залуучуудын оролцоог нэмэгдүүлж, тэдэнтэй хамтран ажиллах талаар Ази, Номхон далайн бүсийн Хүүхэд залуучуудаас улс орнуудын Засгийн газар, шийдвэр гаргачид, бусад хамтрагчдыг уриалсан уриалгыг хүргэх хуралдаанд оролцож санал, туршлагаа хуваалцжээ.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх