“Цагаан-Уул” яруу найргийн наадамд Г.Хашбаатар түрүүллээ

Монголын залуучуудын холбооноос жил бүр уламжлал болгон зохион байгуулдаг хайрын шүлгийн “Цагаан-Уул” яруу найргийн наадам өчигдөр болж өндөрлөлөө. 22 дахь удаагаа болсон хайрын шүлгийн “Цагаан-Уул” яруу найргийн наадмыг энэ жил Д.Нацагдоржийн нэрэмжит шагналт, “Болор цом”-ын эзэн, соёлын гавьяат зүтгэлтэн, яруу найрагч А.Эрдэнэ-Очирын 50 насны ойд зориулан амжилттай зохион байгууллаа.

Энэ удаагийн наадамд 300 гаруй яруу найрагчийн 1000 орчим бүтээл ирүүлснээс хоёрдугаар шатанд 24 оролцогч шалгарчээ. Энэ жилийн наадамд “Гүн утга” уран бүтээлийн нэгдлийн яруу найрагч Г.Хашбаатар түрүүлж  “Цагаан-Уул” цомын эзэн боллоо.