“Өрсөлдөөн-Хэрэглэгчийн эрх орон нутагт” нэгдсэн арга хэмжээ эхэлж байна

  Шударга өрсөлдөөн, хэрэглэгчийн төлөө газраас “Өрсөлдөөн-Хэрэглэгчийн эрх орон нутагт” нэгдсэн арга хэмжээг энэ сарын 16-наас 27-ны өдрүүдэд 21 аймгийг бүрэн хамруулан, бүсчилсэн байдлаар зохион байгуулж байна.

Дээрх арга хэмжээний хүрээнд орон нутаг дахь худалдаа, үйлчилгээ эрхлэгч иргэн, аж ахуйн нэгж, байгууллагууд, контор болон төвлөрсөн ус, дулаан, цахилгаан холбооны чиглэлээр үйл ажиллагаа эрхлэгч монополь, давамгай аж ахуйн нэгжүүдийн үйл ажиллагаанд хяналт, шалгалт хийх, Нутгийн захиргааны байгууллагын удирдлага, холбогдох албан хаагчид, худалдаа үйлчилгээ эрхлэгч аж ахуйн нэгж, иргэдэд өрсөлдөөн, хэрэглэгчийн талаар сургалт зохион байгуулах, хууль эрх зүйн мэдлэг олгох, нээлттэй өдөрлөг зохион байгуулж, зөвлөгөө мэдээлэл өгөх, мөн хэрэглэгчдийн гомдол, мэдээлэл, худалдаа үйлчилгээний байгууллагуудад гардаг нийтлэг зөрчил, дутагдлыг газар дээр нь арилгуулж, мэргэжил арга зүйн туслалцаа үзүүлж ажиллах юм.