Могой, тахиа, бар жилтнээ аливаа үйлийг хийхэд эерэг сайн

Аргын тооллын 3 сарын 12. Пүрэв (Бархасвад) гараг (2026)
Хаврын тэргүүн цагаан бар сарын билгийн 24, өдөр хөхөгчин тахиа, мэнгэ 1 цагаан, суудал шороо, од онгоц-18, үл зохилдох барилдлагат.
Өдрийн нар ургах/шингэх цаг: 07:12-18:52.
Өдрийн сайн цаг: Туулай(05:40-07:40), морь(11:40-13:40), хонь(13:40-15:40), тахиа(17:40-19:40), хулгана(23:40-01:40), бар(03:40-05:40) болой.
Үс бүү засуул өвчин эмгэг тусах тул муу цээрлэвэл зохилтой.
Хол газар явагсад баруун урд зүгт мөрөө гаргавал зохистой.
Могой, тахиа, бар жилтнээ аливаа үйлийг хийхэд эерэг сайн. Харин туулай, үхэр, луу, хонь, нохой жилтнээ сөрөг муу.
Бар, туулай жилтний сүлд гараг, харин үхэр, луу, хонь, нохой жилтний харш гараг.
Хүний сүлд гуя, шилбэ, гар, алга, хонгонд, гэрийн сүлд үүд, хойморт орших болой.
Замд гарах, дээл хувцас, гэр орны хэрэгсэл эсгэх, багш, шавь болох, анд нөхөр болох, мал хөнгөлөх, эд, мал худалдан авах, газар хагалах, тариа ногоо тарихад сайн. Үс засуулах, равнайлах үйл, малын үс, ноос хяргахад муу.
Зурхайч Д. Цогтбаатар