Худалдааны хот Гуанжоуд аялсан түүх

Гуанжоу хотыг Дэлхийн худалдааны төв гэсэн мэдээллийг Фэйсбүүк хаягаас олж аваад хямд бөгөөд сайн чанарын хувцас цуглуулан хэдэн төгрөг олох санаатай Хятадын гуравдахь том хот, мөн хамгийн урд байрлах Гуанжоу хотыг зорив.

Хятад хэл мэдэхгүй, газар мэдэхгүй, авсан бараагаа тэр холоос яаж зөөхийг ч мэдэхгүй зөвхөн Үйлс гэсэн компанид итгэн анх удаагаа Хятадын гүнрүү буюу хамгийн урд байрлах газарт айдас, болгоомжлол дагуулсаар нэг найзын хамт явж байгаа минь энэ. Тус компанийн хөтөч нар биднийг Эрээн хотод тосоод Бээжингийн галт тэргэнд суулгаж, Бээжин хотод тосоод Гуангжоугийн галт тэргэнд суулгасаар маш хямдхан зардлаар Хятадын худалдааны том хот болох Гуангжоуд авчрав. Анх удаа зорин ирж буй хүнээс нэмэлт төлбөр авдаггүй гэсэн болохоор хэдэн юань хэмнэсээр ирэв.

Галт тэрэгний буудал дээр Сүрлэг хэмээх өндөр ханхар залуу тосож авсан бөгөөд Каргоны дэргэд байрлах хоёр буудлыг танилцуулав. Бид ч хоёр буудлын өрөөнүүдийг орж үзсэний дараагаар хэдхэн хононо, дээрээс нь ахиухан бараа авъя гэсэн бодлоор хамгийн хямд буюу 150 юанийн 2 ортой өрөөнд гурав хонохоор буудлын төлбөрөө төлөв. Санасныг бодвол буудал маань энэ том хотод хямд мөн ганц хоёр захыг эс тооцвол 6 захын голд байрласан байгаа нь бараагаа цуглуулахад амар санагдав.

Өрөөндөө гар тээшээ оруулж тавьсаар Карготой танилцах мөн Монгол төлөөлөгчтэй уулзаж хөтөч авахаар тэдний оффиссд оров. Өөрийн ирсэн зорилго, сонирхож буй барааныхаа талаар хэлэхэд надад захуудын нэрс өгөхөөс гадна хүсвэл хөтөч авч болно, эсвэл та захаа заалгаад бидэнрүү таксинд суухдаа утсаар яриулах зэргээр туслуулж болох талаар хэлэв. Газар сайн мэдэхгүй, хэлгүй учир эхний өдөр хөтөч авахаар шийдсэн юм. Гэтэл олон Монгол худалдаачид ирсэн байсан тул хөтөч олдсонгүй. Бид ч сандран хэл мэдэхгүй учир заавал хөтөч авмаар байна хэмээн зогсов Каргоны гүйцэтгэх захирал өөрийн биеэр нэг өдөр тус болохоор шийдсэн нь ирсэн зочидод сэтгэл гарган үйлчилж буй шинж байлаа.

Хамгийн эхэнд бид өөрсдийн зорьсон хувцаснаас гадна манай найзын захисан сэлбэгийг худалдан авахаар шийдэж сэлбэгийн зах руу зорив. Сэлбэгийн зах дээр буутал Монголд үнэтэй олддог герман машины сэлбэг, хуучин машины сэлбэг, хятадын дотоодод үйлдвэрлэсэн экспортын сэлбэг олдоц ихтэй байв. Зах маань ч том учир 2-3 цаг явсны эцэст өөрсдийн хайсан сэлбэгийг олох нь тэр! Урд нь Эрээнээс бараа зөөсөн багагүй хугацааны наймааны туршлагатай учир үнэ ханш дээрээ өөрөө ярин хямдруулахаар шийдэж, тооны машин дохио зангаа гаргасаар ярьж өгөв!

Ингээд Эрээнээс авдаг үнээс 30 хувиар хямд авах болтол хамт хөтчөөр тусалж явсан захирал маань инээмсэглэсээр одоо би ярья гээд бүүр эрээний ханшнаас 50 хувиар нь авахаар болов. Би ч өөрийгөө голсон ч хамт явсан хүндээ баярласан юм.

2,3 дахь хоногуудад Хадаа, Тунгаа гээд хөтөчтэй явсан бөгөөд өөрсдийн санасан бараагаа олж хамгийн хямд үнээр авч чадсандаа сэтгэл хангалуун байв. Орой Карго дээрээ хүрэлцэн ирж бараагаа боолгох гэтэл олон худалдаачид бараагаа бэлдүүлж байсан тул багагүй хүлээх шаардлага гарсан нь тухайн каргоны хэр ачаалалтай ажиллаж буйг харууллаа. Хятадад нэг гэм нь хоол нь сэтгэлд нийцэхгүй, нас явсан бидэнд огт тохирохгүй байв. Энэ тухайгаа Хасаа гээд Үйлс компанийн ерөнхий менежерт хэлтэл “та бүхэн эрт хэлэхгүй яаваа энд Монгол хоол захиалгаар хийдэг шүү дээ тэр зарлалын самбарт байна гэв”. Бид ч баярлан Монгол гэр бүлийн хийж буй бууз, цуйван нийслэл салат оройн зоог болгон захиалав. Мөн сүүлийн өдөр төсвөөсөө хэтрүүлэн бараа худалдан авсан тул каргогоор бараагаа явуулах зардал дутсан ч Монголд очоод төлөх боломжтой мэдээд бас л баярлав.

Тэгээд Гуангжоуг орхин галт тэргээр гараад УБ хотдоо иртэл бараа маань очихтой зэрэгцээд 4 хоногт УБ хотод ирсэн нь Каргоны хурдыг бидэнд харуулж байв. Бид бараагаа задлан лангуун дээрээ өлгөтөл бусад лангуун дээр байдгаас огт өөр загвар чанартай бараанууд байсан тул хэд хэдэн төрлийн бараанууд маань хурдхан борлогдов. Тэгээд хэдхэн төрлийн бараа, размерын  төлөө ахин Гуангжоу явах хүндрэлтэй байсан тул яах аргаа олохгүй хамт явсан хөтөч нартайгаа холбогдов.

Манай компаниар дамжуулан маш олон хүмүүс араасаа бараа худалдан авдаг та хамт явсан хөтөч дөө бараагаа захихад болно гэж хэлсэн юм. Ингээд Гуангжоу оролгүй бүтэн нэг улирал би бараагаар тасраагүй юм. Мөн дээрх компанийн хамт олон бидэнд дээр дурдсан мэдээнээс гадна олон талаар тусалж дэмжсэн, буруу зөрүү ойлголтын талаар бодит мэдээллийг надад хүргэж олон эрсдэлээс сэргийлж чадсан тул би ч гэсэн тэдний компанид баярласанаа илэрхийлэн мэдээлэл хүргэхээр шийдсэн юм.

Надтай адилхан газар мэдэхгүй, хэл мэдэхгүй эсвэл мэдээлэл багатай худалдаачид байгаа бол энэ компаниар үйлчлүүлээрэй гэж хэлэх байна.  Мөн Гуангжоу хот маш том захууд лангуунууд тоо томшгүй олон байсан тул таныг олон хоногоор явахыг зөвлөж байна. Түүнчлэн тосож авсан Сүрлэг, Компанийн захирал Билигээ, Менежер Хасаа, Хөтөчөөр явсан Хадаа, Тунгаа, Монгол харилцаа хариуцсан менежерүүд гээд нийт Монгол, өвөр Монгол ажилчидтай тус хамт олонд баярласан талархаснаа илэрхийлье!

Холбогдох хаяг:

https://www.facebook.com/guangzhoukargo/

Вичат хаяг: uils_guangzhou

Утас: +8613168656809