“Нарантуул” захын цахилгаан барааны хэсэгт гарсан гал түймрийг бүрэн унтраалаа

Баянзүрх дүүргийн нутаг дахь  “Нарантуул” захад гал гарсан тухай мэдээлэл нийслэлийн онцгой байдлын албанд 12,53 цагт иржээ. Тус захын хашаан доторхи  “Баялаг ундраа” төвийн хойно байрладаг  цахилгаан барааны павильонд гал гарсан байна.

Гал гарсан тухай дуудлагыг хүлээн авсан даруйдаа онцгой байдлын албаныхан гал дээр ирсэн байна.   Дуудлагын дагуу нийслэлийн Онцгой байдлын газрын гал түймэр унтраах 10, 14, 63 дугаар ангиудын ээлжийн бүрэлдэхүүн шуурхай ажиллаж 14:44 цагт гал түймрийг бүрэн унтраалаа.

Гал гарсан шалтгаан нөхцөл, хохирлын хэмжээг мэргэжлийн байгууллагын үзлэг шалгалтаар тогтоох юм байна.