Мал, тэжээвэр амьтдын тооллого маргааш орон даяар эхэлнэ

Мал, тэжээвэр амьтдын жилийн эцсийн тооллого эхлэхэд 1 хоног үлдлээ.

Тооллого 12 дугаар сарын 07-17-ны өдрүүдэд орон даяар зохион байгуулагдана.

ХАА-н салбар нь манай улсын эдийн засгийн 13 хувь, ажиллах хүчний 26 хувийг бүрдүүлдэг үндсэн салбаруудын нэг юм. 1961 оноос жил бүр зохион байгуулагдаж байгаа мал, тэжээвэр амьтдын мэдээлэлд үндэслэж, төрөөс хөдөө аж ахуйн салбарын бодлого боловсруулж, мөн малчдын нийгмийн асуудлыг шийдвэрлэх үндсэн суурь мэдээлэл болдог.

Малтай өрх, аж ахуйн нэгж, байгууллагууд та бүхнийг мал, тэжээвэр амьтдын тооллогодоо идэвхтэй оролцохыг Үндэсний статистикийн хорооноос уриаллаа.