“Миний найз бүсгүйчүүд” цомгийн баяр болно

Хөгжмийн зохиолч О.Эрдэнээгийн “Миний найз бүсгүйчүүд” цомгийн баяр энэ сарын 21-нд Хүннү моллд болох гэж байна. Тэрээр  Төрийн соёрхолт, хөгжмийн зохиолч Ц.Нацагдоржийн шавь байсан бөгөөд түүнээс хөгжмийн урлагийн нарийн нандин бүхнийг сурчээ.

1994 онд сургуулиа төгсч, хувиараа бизнес эрхэлж байгаад 2013 оноос уран бүтээлээ эхэлсэн байна.  Өнгөрсөн дөрвөн жилийн хугацаанд 100 гаруй дуу зохиож,  “Жаргалтай явна хоёулаа”, “Гангараа”, “Нандин”, “Миний найз бүсгүйчүүд” гэсэн дөрвөн цомгоо өлгийдөөд байгаа юм.   О.Эрдэнээ “Би СУИС-ын II дамжааны оюутан байхдаа анхны бүтээлээ зохиож байлаа. Ардын уран зохиолч Б.Лхагвасүрэнгийн зо­хиол “Чамдаа би хайргүй байхын аргагүй” дуу байсан юм. 22  жилийн дараа Б.Буянжаргал маань энэ дууг амьд­руулсан байдаг. Урлагаас завсардсан он жилүүдээ нөхөх гэсэн шиг  уран бүтээлийн олз омог дүү­рэн сайхан байна” гэж байв. “Миний найз бүсгүй­чүүд” цомгийн баярт хүрэлцэн ирсэн эхний 100 хүнд цомгоо бэлэг­лэх бөгөөд зочдын дун­даас хоёр азтан тод­руулж аяллын эрхээр шагнах  аж.