Мэндчилгээ

Зууны манлай бүтээн байгуулалт Эрдэнэт хотын иргэд та бүхэндээ болон Өвөрхангай нутгаар овоглосон нутгийн зон олондоо билгийн тооллын 17 дугаар жарны Алтан унжлагат хэмээх гал тахиа жилийн сар шинийн мэндийг хүргэж, мэндчилье.

 Тэртээ 40 жилийн өмнө Монгол орны өнцөг булан бүрээс илгээлтийн эзэн залуус цугларч Эрдэнэт хэмээх их хотыг байгуулан, өнөө цагт их хот маань зууны манлай бүтээн байгуулалт болон хөгжин цэцэглэж байгаа билээ.

Улиран өнгөрч буй бичин жилд Эрдэнэт хот дахь Өвөрхангай аймгийн нутгийн зөвлөлийн хувьд нутгийн зон олонтойгоо уялдаа холбоотой ажиллаж, ахмадуудаа дээдэлж, залуусаа дэмжсэн, ажил үйлс өөдрөг сайхан жил байлаа.

Айлчлан ирж буй тахиа жилд хийсэн ажлаа улам өргөжүүлж, залуус, дунд үе, настан буурлуудад чиглэсэн ажлуудыг зохион байгуулах төлөвлөгөөтэй байгааг дуулгахад таатай байна.

Эрдэнэт хот хэмээх их айлын түүхийг бичилцсэн, дуурсах алдартай ахмад буурлууд, өнөө цагийн их бүтээн байгуулалтыг хийж яваа залуус та бүхэн сар шинэдээ сайхан шинэлээрэй.

ОРХОН АЙМАГ ДАХЬ ӨВӨРХАНГАЙ АЙМГИЙН

НУТГИЙН ЗӨВЛӨЛИЙН ТЭРГҮҮН  П.БАЯСГАЛАН