Сингапурын түүхэнд анхны эмэгтэй ерөнхийлөгч тодорлоо

Сингапурын ерөнхийлөгчөөр 2011 оноос хойш ажилласан  77 настай Тони Тан халаагаа өглөө. Сингапурын найм дахь ерөнхийлөгчөөр Хаоима Якоб сонгогдсоныг тус улсын Сонгуулийн комиссын дарга Эн Вай Чун мэдэгдлээ. Шинэ ерөнхийлөгч өмнө нь тус улсын парламентын спикерээр ажиллаж байсан аж.

Сингапур улсын түүхэнд анх удаа эмэгтэй хүн ерөнхийлөгч болж байгаа нь энэ юм. Хаомима Якоб  63 настай бөгөөд малайз гаралтай. Сингапурын үндсэн хуулиар ерөнхийлөгчийн эрх мэдэл хязгаарлагдмал байдаг ба ерөнхий сайд голчлон улс орноо удирддаг байна.

Төрийн тэргүүн төсвийн төсөл, Засгийн газрын томилгоонд хориг тавих, шүүхээс ял авсан гэмт хэрэгтнийг өршөөх эрхтэйгээс  гадна улсынхаа алт валютын нөөцийг хадгалдаг байна. Сингапурын ерөнхийлөгчийн олон нийтийн гол үүрэг нь шүүхээс ял авсан иргэд, цаазаар авах ялтай хоригдлыг өршөөх асуудлыг зонхилон шийдвэрлэдэг.

Якоб улсынхаа анхны эмэгтэй ерөнхийлөгч болсны дээр сүүлийн 47 жилийн хугацаанд малайчуудаас гарсан анхны төрийн тэргүүн болж байгаа юм.