“Хаан жимс” амралтын газрынхан утаанаас дайжигсдыг урьж байна

Улаанбаатарын утаанд хөгшин хөвөөгүй хордож арга ядаж байгаа өнөө цагт түр ч болов цэвэр агаарт гарахыг хүн бүр хүснэ. Хурдхан хавсарга тавиад утааг ул мөргүй аваад яваасай гэсээр хавартай золгодог болсон. Утаанаас хүүхэд, гэр бүлээ хамгаалах арга хайсан хүмүүс болж өгвөл хотын ойролцоохь амралт сувиллыг бараадна. Нийслэлээс 55 км-т эрүүл тунгалаг агаарт орших “Хаан жимс” амралтын газар утааны эсрэг бодит ажил хийхийг иргэд аж ахуйн нэгж, албан байгууллагуудад уриалжээ. Уг ажлыг тэд өөрсдөө эхлүүлж нэгдүгээр сарыг дуустал “ЭРҮҮЛ АГААР-ЭРҮҮЛ ХҮҮХЭД” зорилтот хөтөлбөр хэрэгжүүлж эхэлсэн байна.  Хөтөлбөрийн хүрээнд амралтад хүүхдүүдтэйгээ ирсэн ээж аавыг байрны төлбөрөөс чөлөөлж байгаа аж. Хамтын хүчээр утаатай тэмцье гэсэн “Хаан жимс” компанийнхны ажил үйлс өөдрөг байх болтугай.

Н.Дөл