Өнөө цагийн УИХ-ын гишүүн бөхчүүдийн хүн чанар хөгийн болж дээ

Монгол бөхчүүд ёс уламжлалаа дээдэлдэг,ахмад бөхчүүдээ хүндэлдэг гэж ярьдагсан. Тэгвэл өнөө цагийн өнгөн дээр аварга арслангууд хөрөнгөний төлөө яахаас ч буцахгүй болжээ. Бөхчүүдийн увайгүй  авир, хуншгүй  байдлыг  дээр доргүй шуугиж байна. УИХ-ын гишүүн А.Сүхбатын  талаар Хамуг Монгол Хөдөлмөрийн намын дарга  Ц.Шинэбаяр цахим хуудастаа байр сууриа илэрхийлжээ.

Тэрээр “….УИХ-ын гишүүдээс Оюутолгой, Эрдэнэтийн луйврын эсрэг амь хайргүй тэмцэж байгаа цөөхөн гишүүн  бий. Гэтэл УИХ-ын гишүүн А.Сүхбат  “Бөхийн Өргөө”-ний төлөө амь өгөхөөс буцахгүй бөхчүүдтэйгээ ноцолдож байгаад хохирч гэнэ. УИХ-ын гишүүд эх орныхоо төлөө тэмцэхгүй ТББ-ын төлөө зодолддог болжээ…….” гэсэн байна. Ц.Шинэбаяр УИХ-ын гишүүн байсан хүн. Төрийн хүний ёс зүй ямар байхыг мэдэхийн хувьд өнөөгийн эрхэм гишүүдийн талаар дуугүй өнгөрсөнгүй. Түүний үг эрхбиш зориулж хэлсэн хүндээ хүрэх биз ээ.

Н.Дөл