Ерөнхий прокурорын орлогч асан Ё.Сагсайтай холбоотой бичлэгийг ил болгов

ХЗДХ-ийн дэд сайд асан Э.Эрдэнэжамъян, хуульч  О.Буяннэмэх нар өнөөдөр /03.22/ Улсын ерөнхий прокурорын орлогч асан Е.Сагсайтай холбоотой  бичлэгийн хэсгээс олон нийтэд хүргэв.   Тус бичлэгт прокурор Е.Сагсай цээж нүцгэн байдалтайгаар хамт байсан эмэгтэйгээ бэлгийн дарамтад оруулсан гэдгээ хүлээн зөвшөөрч, хэн нэгнийг хэргээс мулталж, би бүгдийг зохицуулж, хэргийг хааж, хорихоос суллах болно гэсэн утгатайгаар амлалт өгч байна.
Энэ талаар ХЗДХ-ийн дэд сайд асан  Э.Эрдэнэжамъян “Олон нийтэд үзүүлж болох хэсгийг нь өнөөдөр харууллаа. Энэ хүн бол хэрэг бүртгэл, мөрдөн байцаалтад хяналт тавьдаг ерөнхий прокурорын орлогч хүн. Ийм хүн л хууль системийн байгууллагад ажиллаад, худал хэлсэн хүмүүсийг хаацайлаад бэлгийн дарамт үзүүлж өөрөө ч үүнийгээ хүлээн зөвшөөрч байна” гэсэн юм.