Чех улсаас урт зам туулан ирсэн оюутныг Монголын хилээр оруулахаар болжээ

Чех улсаас 25 хоногийн хугацаанд урт зам туулан ирсэн Монгол оюутныг хилээр нэвтрүүлэхгүй байсан юм. Монгол оюутан Алтанбулаг боомт дээр гацаж, олон нийт түүнийг хилээр нэвтрүүлэхийг шаардаад буй. Тэрээр “Буцаад Орос руу нэвтрэх боломжгүй. 25 өдрийн турш газраар яваад ирж байхад ингэнэ гэж ёстой бодсонгүй. Шалтгаан нь намайг УОК-оос, Чехээс зөвшөөрөл аваагүй учраас” гэж тайлбарласан.

Би Чехээс ирэхдээ асуусан, зөвшөөрөл авах хүсэлт тавьсан. Тэгэхэд Чехэд суугаа Монгол Улсын Элчин сайд “Зөвшөөрөл авах шаардлагагүй. Бичиг баримтаа үзүүлээд л хилээр нэвтэрнэ” гэсэн. Буцаад яв, бидэнд чиний асуудал хамаагүй гээд байна” хэмээн мэдэгдсэн.

Тэгвэл хоёр улсын хил дээр гацсан иргэнийг өнөөдөр Монгол Улсын хилээр оруулахаар ажиллаж байна гэсэн мэдээллийг албаны эх сурвалж өглөө.