Өмнөговь: Өрх гэр бүлийн хөгжлийн жилд С.Батмөнхийнд шинэ байшин барьж өглөө

2020 оныг Өмнөговь аймгийн хэмжээнд ӨРХ ГЭР БҮЛИЙН ХӨГЖЛИЙН ЖИЛ болгосон. Зорилтот жилийн хүрээнд аймгийн хэмжээнд нийт 22 өрхийг өөрийн гэсэн байшинтай болгох ажлыг хэрэгжүүлж байгаа юм.

Өнөөдөр Ханхонгор сумын уугуул, аймгийн Алдарт уяач С.Батмөнхийнд аймаг, сум, Энержи ресурс ХХК болон нутгийн зон олны дэмжлэгтэйгээр дулаан, цэвэр, бохирт холбогдсон 65 мкв байшинг барьж хүлээлгэн өглөө. Өрх гэр бүлийн хөгжлийн жилийн хүрээнд хийж буй үр дүнтэй ажлуудын нэг бөгөөд С.Батмөнх гуайнх олон хүүхэдтэй, сум суурин аймаг орон нутагтаа залуу насаа зориулан ажилласан ахмадуудын нэг хэмээн онцолж байшинтай болгох ажлыг зохион байгуулсан байна.