COVID-19: Аж ахуйн нэгж, байгууллагын ажилтан, алба хаагчдад өгөх зөвлөмж

Ажилтан, алба хаагчдын ажиллах орчин нөхцлийг сайжруулах, анхаарал халамж тавих, дархлааг дэмжих нь коронавируст халдварт өртөх эрсдэлийг бууруулах зорилгоор Эрүүл мэндийн яамнаас гаргасан дараах зөвлөмжийг хүргэж байна.

Аж ахуйн нэгж, байгууллагад:

• Албан хаагчдын биеийн халууныг өглөө бүр үзэж, өвчний шинж тэмдэг илэрвэл гэрт нь буцаах

• Өвчлөл гарсан бүс нутагт томилолтоор явуулахгүй байх

• Үйлчилгээг цахимжуулан хүний бөөгнөрөл үүсгэхгүй байх

• Санал хүсэлт, өргөдлийг утсаар болон цахимаар авах

• Хурал уулзалтыг богино цагаар, цөөн хүнтэй хийх

• Хурлын үеэр өрөөнд цэвэр агаар оруулах

• Хурлын дараа хатуу гадаргууг сайтар цэвэрлэх

• Спиртэн суурьтай гар халдваргүйжүүлэгч байлгах

• Микрофоныг спиртэн суурьтай уусмалаар арчих эсвэл нэг удаагийн уут хэрэглэх

• Цахилгаан шатны товчлуур, явган болон урсдаг шат, хаалганы бариул, компьютер, утас зэргийг өдөрт 2-оос доошгүй удаа сайтар арчиж цэвэрлэх

• Халуун аарц, чацаргана, зөгийн балтай ус, цайгаар ажилчиддаа өгөх

• Хоолны газарт ажилчдыг цөөн тоогоор ээлжлэн үйлчлэх

• Ажлын байрны дарамт, стресс үүсгэхгүй, дасгал хөдөлгөөн хийх

• Ажилчид болон тэдний гэр бүлийн гишүүдийг амны хаалтаар хангахад дэмжлэг үзүүлэх

• Урьдчилан сэргийлэх зөвлөмжийг албан тасалгаанд ил тод байрлуулах

• Ариун цэврийн өрөөнд саван, гар халдваргүйжүүлэгч, гарын цаас байлгах

• Ариун цэврийн өрөөнд чийгтэй цэвэрлэгээг 4-өөс доошгүй удаа хийх

Ажилчин, албан хаагчдад:

• Амны хаалт зүүх

• Халуун бүлээн шингэн ойр ойрхон уух, тагтай аяга хэрэглэх

• Давс, нимбэг, содтай бүлээн усаар ам, хоолойг зайлах

• Цахилгаан шат аль болох ашиглахгүй байх

• Хувийн эд зүйлийг бусдад дамжуулахгүй байх

• Гараа сайтар савандаж угаах

• Нүд, ам, хамартаа гар хүрэхгүй байх

• Аль болох бэлэн мөнгөтэй харьцахгүй байх

• Шүлсээ хаяхгүй байх

Эх сурвалж: Эрүүл мэндийн яам