ЭМЯ: 486 хүнээс коронавирусийн халдвар илэрч, нийт батлагдсан тохиолдол 9327 боллоо

Сүүлийн хоногт 21 лабораторид 11,876 хүнд хийсэн коронавирусийн халдвар илрүүлэх шинжилгээний явцад 486 хүнээс халдвар илэрсэн. Нийт батлагдсан тохиолдол 9,327 боллоо. 486 тохиолдлын хоёр нь эмнэлгээс шалтгаалах халдвар байна. Бусад 484 тохиолдлын 391 нь Улаанбаатарт, 93 нь орон нутагт бүртгэгдлээ. Сүүлийн хоногт 146 хүн эмчлэгдэн эмнэлгээс гарснаар нийт эдгэрсэн хүний тоо 5,216 боллоо. Мөн харамсалтай мэдээ дуулгах нь. Өнгөрсөн хоногт 58 настай эмэгтэй, 66 настай эмэгтэй хоёр өвчтөн нас барлаа. Ингэснээр коронавируст халдварын улмаас нас барсан хүний тоо 10 болж байна.

Өнөөдрийн байдлаар нийт 1,990 хүн эмчлүүлж байгаагаас биеийн байдал нь хөнгөн 1,713, хүндэвтэр 232, хүнд 37, нэн хүнд 8 хүн байна.

Халдвар шинээр бүртгэгдсэн аймгууд

• Сэлэнгэ аймагт-16
• Дархан-Уул аймаг 15,
• Орхон аймаг-17,
• Төв аймаг-26,
• Хөвсгөл аймаг-2,
• Булган аймагт-1
• Ховд аймагт -19