Алхах төдийд өвчний 90 хувь нь эдгэрнэ. Хялбар бөгөөд төлбөргүй, эмчийн ч шаардлагагүй. Таны хоёр хөл бол хамгийн шилдэг эмч юм. Явган алхалтаар хүн эрүүлжиж, бие махбодийн хувьд эрч хүчтэй болж, булчин, яс эрүүлжиж, насжилттай холбоотой өвдөг, ууц нуруу өвдөх нь эрс багасдаг.
Энэ мэтчилэн алхалтын ач холбогдлыг тоочоод барамгүй. Сүүлийн үед явган алхах нь чухал ач тустай гэдгийг хүмүүс мэддэг, хаа нэгэн газраас сонссон байдаг ч яг хаанаас, хэрхэн, яаж эхлэх вэ? гэсэн асуулттай нүүр тулж, нэлээдгүй хүмүүс нь бодсоноо бодитоор хэрэгжүүлэлэлгүй хэзээ нэгэн цагт алхана даа гэсэн бодол тээсээр үлддэг.
Тэгвэл 2024 оны 12-р сарын 22-ны өдөр явган алхалтыг сонирхож байгаа шинэ алхагчдад зориулсан анхан шатны мэдлэг, ур чадвар олгох онол практик хосолсон сургалт (Beginner Training Program)-ыг Монголын явган алхалтын холбоо, БЗД-ийн Биеийн тамир, спортын хорооны сургагч багш нар хамтран Үндэсний цэцэрлэгт хүрээлэнд зохион байгуулжээ. Сургалтад амжилттай хамрагдаж, өөртөө цаг гаргаж, эрүүл амьдралын хэв маягийг бүтээж эхэлсэн нийт алхагч нартаа сертификат гардуулсан байна.
Монгол Улсын Ерөнхийлөгчийн санаачилгаар хэрэгжиж буй “Эрүүл Монгол хүн” үндэсний хөдөлгөөнийг улс орон даяар өрнүүлж байгаа бөгөөд тус хөдөлгөөний бодлого, үйл ажиллагаа, үзэл санааг дэмжиж Нийслэлийн Баянзүрх дүүргийн Биеийн тамир, спортын хороо, Монголын явган алхалтын холбоо, Баянзүрх дүүргийн явган алхалтын холбоотой хамтран тус сургалтыг зохион байгуулсан бөгөөд цаашид тус хөдөлгөөний хүрээнд олон талын хамтын ажиллагааг цаашид хэрэгжүүлэх ажээ.
Сургагч багшаар Монголын явган алхалтын холбооны сургалт, гишүүдийн хөгжил хариуцсан захирал С.Хандхүү, МЯАХ-ны тэргүүн Б.Болор-Эрдэнэ, БЗД-ийн БТСХ-ны мэргэжилтнүүд, алхалтын чиглүүлэгчээр Хурах-88 клубийн тэргүүн П.Буяннэмэх нар байжээ. Тус сургалтын агуулгад алхалтын хувцас хэрэгсэл, тэдгээрийг ашиглах арга зүй, алхахад анхаарах зүйлсийг танилцуулсан бол БЗД-ийн БТСХ-ны мэргэжилтнүүд Хөдөлгөөн-Эрүүл мэнд, Явган алхалтын ач холбогдол сэдвээр онолын хичээл орж, бие халаалтын практик дасгал хийлгэж зөвлөгөө, мэдээлэл өгчээ. Тус шинэ алхагчдад зориулсан сургалт, практик алхалтад нийт 127 алхагчид хамрагдав.
Тухайлбал, Баянзүрх дүүргийн 12, 16, 26, 35, 36-р хорооны иргэд 35, 68, 88, 133, 137, 156-р сургуулийн багш, ажилтнууд, Аавуудын алдар ТББ, Бүрх ХХК, Баянзүрх дүүргийн явган алхалтын холбоо, “Aхмад явган аялагч, алхагчид клуб”, “Хурах-88” клуб, “Зөв хандлага-Эрхэм андууд” клубийн алхагчдын төлөөлөл хамрагдлаа.
Агаарын бохирдол нэмэгдэж, ес эхэлсэн өвлийн жавартай өдрүүдэд 7 хоногт нэгээс доошгүй өдөр утаанаас холдож, байгальд алхаж цаг гаргах нь таны болон таны гэр бүлийн эрүүл мэндэд маш чухал үр нөлөөтэй байх нь дамжиггүй. Алхалт үнэ цэнийг бүтээнэ.
435 борлуулалтын цэгээр 280,000 тонн хагас коксон түлшийг айл, өрхүүдэд борлуулна 
Шинэ уран бүтээл: Дуучин М.Янжиндарь “Аргамжаа” 
Засгийн газрын ээлжит хуралдаанаас гаргасан шийдвэрийг танилцуулж байна 
УИХ-ын дарга С.Бямбацогт “Хар жагсаалт”-ын асуудлыг цэгцлэх чиглэлээр Монголбанкны удирдлагад 30 хоногийн хугацаатай үүрэг өглөө 
Хаврын ээлжит чуулганы хугацаанд Улсын Их Хурлын гишүүдээс 16 асуулт, 27 асуулга тавьжээ 
Б.Пүрэвдагва: “Сэлбэ” төслийг амжилттай хэрэгжүүлж, энэ жишгээр гэр хорооллыг орон сууцжуулна 
Согтуугаар тээврийн хэрэгсэл жолоодсон 44 зөрчил бүртгэгджээ 
Өнөөдөр хөх луу өдөр 
Улаанбаатарт өдөртөө +26 градус дулаан 
Зуншлага нийт нутгийн 50 гаруй хувьд сайн байна 
Улаанбаатарт өдөртөө +26 градус дулаан 
Ерөнхийлөгч У.Хүрэлсүх, Эмомали Рахмон нар мэдээлэл хийлээ 
Усны ослын 84 удаагийн дуудлагаар 45 иргэний амь насыг авран хамгаалжээ 
Ерөнхийлөгч У.Хүрэлсүх, Эмомали Рахмон нар албан ёсны хэлэлцээ хийлээ 
Согтуугаар тээврийн хэрэгсэл жолоодсон 80 зөрчил бүртгэгджээ 
Улаанбаатарт өдөртөө +24 градус дулаан 
Тажикистан Улсын Ерөнхийлөгч төрийн айлчлал хийнэ 
Шинэ клип: Дуучин Э.Чулуунчимэг “Дэлтэй шувуу” 
Өв соёлоо тээж яваа уяачдын галаар УИХ-ын дарга С.Бямбацогт зочлон баяр хүргэв 
Япон Улсын Эзэн хаан баяр наадмын мэндчилгээ ирүүлжээ 
Казахстаны Ерөнхийлөгч К.Токаев мэндчилгээ ирүүллээ 
