Өнөөдөр цагаагчин үхэр өдөр

-Билгийн тооллын шинийн 3, цагаагчин үхэр, мэнгэ 9 улаан, суудал уул, од шувуун хошуут-24, түлэх барилдлагат өдөр.

-Өдрийн нар ургах/шингэх цаг: 08:19-17:52.​

-Өдрийн сайн цаг: Могой(09:40-11:40), бич(15:40-17:40), нохой(19:40-21:40), гахай(21:40-23:40), бар(03:40-05:40), туулай(05:40-07:40) болой.

-Үс засуулахад эд, мал баялаг төгөлдөр баясгалан болох маш сайн. Харин хонь, гахай, хулгана, үхэр жилтнээ муу цээрлэвэл зохилтой.

-Хол газар явагсад баруун хойд зүгт мөрөө гаргавал зохистой.

-Могой, тахиа, үхэр жилтнээ аливаа үйлийг хийхэд эерэг сайн. Харин хонь, гахай, хулгана жилтнээ сөрөг муу.

-Хүний сүлд хас, бөгсөнд, гэрийн сүлд бүх гэрт орших болой.

-Нялхас, үхэр жилтний сүлд гараг, гахай, хулгана жилтний харш гараг.

-Сайн нь: Аливаа санасан зөв ажил үйл сэтгэлчлэн бүтэх сайн. Муу нь: эд, мал гадагш өгөх, их хэрэг үүсгэх, ном унших, сайн үйлийг эхлэх, өндөр суудалд суух, туг дарцаг хийсгэх, урлан бүтээх, дархлах, эрдэм ухаанд суралцах, малын хашаа, хороо барих, цэрэг хөдөлгөх, шинэ малгай, хувцас өмсөх, бэрийн үйл, худаг малтах, хүнийг ханаж, төнөх, замд гарах, хурим хийх, дээл хувцас, гэр орны хэрэгсэл эсгэх, оёж, хатгах, нүүдэл хийх, морь уралдуулж эхлэх, мал хөнгөлөх, арилжаа наймаа хийх, эд мал худалдан авах муу. Газрын гараг дэлгэрдэгч эд бүү гарга.